Mbrëmja e së premtes ishte plot surpriza në ‘Dancing with the stars Albania’. Kërcime pa fund dhe duartrokitje gjithashtu. Prezenca e aktorit të famshëm turk, Tolgahan Sayisman ishte një ndër surprizat e spektaklit. Ajo që shumë nga publiku prisnin ndodhi! Aulona Musta dhe Soni Malaj ishin pretendetet për të fituar garën dhe njëra prej tyre u shpall fituese e këtij edicioni.

Dhe fituesja është … Soni Malaj! Deri në momentin final ka pasur shumë tension për kupën pasi si Soni ashtu edhe Aulona kanë pasur shumë mbështetje, sidomos në mediat online. Edhe juria ishte e ndarë për emrin fitues, madje edhe aktori turk. Tolgahan shprehu pëlqimin për Aulonën, pasi e pyeti bashkëshortja e tij, Almeda Abazi. Mbrëmja u mbyll me lot gëzimi dhe të qeshura, por kështu e ka një spektakël, vetëm njëri do shijojë fitoren../intv.al/