Thomas Muller ka dhënë një deklaratë për fituesin e topit të artë. Ai tha se këtë sezon çmimin më të madh individual për një futbollist e meriton Mohamed Salah.

“Mendoj se Mo Salah ka qenë mbresëlënës. Mbase ai është kandidat i madh nëse Liverpooli e fiton Ligën e Kampionëve”-tha sulmuesi gjerman për "Mirror Football".

Muller thotë se Salah ka bërë një sezon të mrekullueshëm dhe e meriton këtë trofe përpara Messi-it apo Ronaldo-s.

“E gjithë bota po e kërkon një fitues të ri të "Topit të Artë". Leo Messi dhe Ronaldo janë të shkëlqyer, por paraqitjet e Salah kanë qenë të jashtëzakonshme këtë sezon. Mendoj se ai ka shanse të mëdha”, shtoi më tej sulmuesi i Bayernit.