Shqipëria ende konsiderohet si vend i origjinës dhe tranzit për trafikimin e qënieve njerëzore, kryesisht të grave e fëmijëve për qëllime të shfrytëzimit seksual dhe punës së detyruar. Shifrat nga Britania e Madhe në vitin 2017 vlerësojnë se nga mbi 3 mijë persona të trafikuar të identifikuar në Britani, rreth 600 janë shqiptarë. Për këtë çështje janë mbledhur ekspertë të huaj e vendas dhe përfaqësues të politikës.
Parlamentari britanik, Vernon Coaker, ka tha se shifrat në rritje tregojnë se vetëm identifikimi nuk është i mjaftueshëm, por fenomeni duhet parandaluar dhe rol kyç ka drejtësia.

‘’ Duhet të kuptojmë çdo të thotë të jesh viktimë. Kemi humbur çelësin e asaj që quhet botë e lirë. Duhet të kemi besim dhe të mbrohen ata që bien pre e trafikimit. Kemi mijëra viktima të trafikimit, dhe ne na bëjnë të reflektojmë. Ne duhet të sjellim përvojën tonë se si , të kemi një sisitem drejtësie të bashkuar dhe të krijohet një legjislacion i mirë. Personat përgjegjës duhet të përfundojnë në burg dhe këtë duhet të besojmë sepse identifikimi nuk është i mjaftueshëm dhe jam i sigurt se do ketë ritrafikim. Ndaj drejtësia duhet të luajë rol të rëndësishëm. ’’

Tre muaj më parë Departamentit Amerikan të Shtetit ka qënë shumë i ashpër në qëndrim, pasi arriti në konkluzionin se Shqipëria ka dështuar në luftën kundër trafikut të qënieve njerëzore.