Një tragjedi ka ndodhur në Familjen Xhemollari, e cila kishte vetëm një javë që kishte shkuar në Amerikë, pasi kishin fituar llotarinë. Mësohet se djali 12-vjeçar nga Pogradeci u godit dhe humbi jetën nga një kamion teksa ishte duke ngarë një biçikletë, shkruan northjersey.com. 12-vjeçari Elios Xhemollari u identifikua nga kushëriri i tij në një portal GOFundMe, faqe që synon të mbledhë para për shpenzimet e varrimet. Policia nuk e kishte konfirmuar emrin e tij për shkak të moshës së mitur.

Policia tha se Elios ishte në proces regjistrimi në shkollën e qytetit. Shefi i Policisë Kovach sqaroi se kamioni drejtohej nga një 43-vjeçar nga New Jersey që po shkonte në lindje të avenusë Lanza. Djali, që po ecte me biçikletë, po ecte gjithashtu drejt lindjes, mbi trotuar.
Elios u shpall i vdekur në vendin e ngjarjes dhe transportua në Paramus për ekzaminim ligjor. Shoferi bashkëpunoi me hetuesit dhe refuzoi mjekimin.