Dy shqiptarë mes viktimave të Genovas. Mediet italiane kanë bërë të ditur se mes  viktimave të tragjedisë së Genova-s janë edhe Marjus Djerri dhe Edy Bokrina. Dy të rinjtë ishin në furgonin e kompanisë “Qubo të EuroPulizia”. Ata ishin nisur për të bërë një punë për kompani në Rapallo. Trupat e dy të rinjve u nxorën para syve të prindërve. Njëri prej viktimave, 22-vjeçari Marjus Djerri është nga Shijaku.

Mësohet se Djerri kishte lindur në Itali, ku ndodhej me familjen prej vitesh. Edi Bokrina 30 vjeç kishte vetëm dy ditë që ishte kthyer nga Shqipëria. I riu nga Shkodra ishte i martuar dhe jetonte prej shumë vitesh në Itali. 

Të dy të rinjtë kanë qenë duke udhëtuar  kur është shembur ura Morandi, duke rënë në 100 metra lartësi. Ndërkohë nga Ministria e Jashtme nuk ka ende njoftim zyrtar për shqiptarë që kanë humbur jetën në Itali.