Një 60 vjeçar ka humbur jetën në Elbasan pasi është përplasur për vdekje nga një automjet tip "Opel". Ngjarja ka ndodhur rreth orës 20:00, në aksin rrugor Elbasan –Peqin, ku ka humbur jetën shtetasi S.B, rreth 60 vjeç, banues në fshatin Bradashesh, Elbasan.

Ai u dërgua me urgjencë në spitalin rajonal, por ishte tepër vonë për të. Policia ka ndaluar drejtuesen e mjetit, shtetasja A.D. 48 vjeçe, banuese në lagjen "Qemal Stafa", Elbasan, për veprime të mëtejshme. Grupi hetimor po punon për zbardhjen e shkakut të aksidentit.