Katie Coates, kërcimtare tubi, ka luftuar më shumë se 11 vite me Federatën Ndërkombëtare të Sporteve dhe vetëm javën e kaluar, autoriteti konfirmoi se aktiviteti do të njihet si sport profesional.

Gjithçka nisi në 2006-n, kur Katie la gjithçka dhe iu fokusua kërcimit në tub dhe njohjes së tij si sport. Ajo nisi një peticion i cili mblodhi më shumë se 10,000 firma dhe punoi me komunitetin global për vendosjen e rregullave, sistemit të pikëzimit dhe procesit anti-doping.

Kërcimi në tub është i njohur si sport nga 14 federata në 14 shtete të ndryshme. Nevojitet njohja nga 40 federata në katër kontinente për t’u bërë një sport ndërkombëtar dhe për të pasur mundësinë e pjesëmarrjes në Lojërat Olimpike.

 Katie është optimiste dhe beson se mund t’ia dalin. Edhe nëse gjithçka shkon pas planit, nuk do të mund të shohim kërcim në tub në lojërat e ardhshme dhe as ato pas tyre. Nëse kërcimi në tub shpallet sport olimpik, do ta ndjekim si ndjekim gjithë të tjerët, vetëm pas tetë vitesh, shkruan anabel.