Rikthehen shpërthimet me tritol në vendin tonë. Ngjarja është regjistruar mëngjesin e sotëm në kryeqytet. Sipas të dhënave të policisë së Tiranës, në orët e para të ditës së sotme, në rrugën "Kongresi i Manastirit", në mjetin autobus tip "Setra" në pronësi të shtetasit me iniciale E.R. siaps të dhënave të uniformave blu, persona të paidentifikuar kanë vendosur një sasi lënde plasëse që ka shpërthyer, ku fatmirësisht ka shkaktuar vetëm dëme të vogla materiale dhe jo në njerëz. Mësohet se shpërthimi ka ndodhur në orën 04:05 minuta të mengjesit rtë ditës së enjte. Menjëherë pas lajmërimit, policia ka mbërritur në vendngjarje, ndërsa po punon për identifikimin dhe kapjen e autorëve dhe sqarimin e rrethanave të ngjarjes.

Njoftimi i Policia:

“Më datë 25.08.2016, rreth orës 04:05, në rrugën “Kongresi i Manastirit”, në mjetin autobuz tip “Setra”, në pronësi të shtetasit E. R., persona të pa identifikuar  kanë vendosur një sasi me lëndë plasëse e cila ka shpërthyer duke shkaktuar dëme të vogla materiale. Punohet për identifikimin dhe kapjen e autorëve dhe sqarimin e rrethanave të ngjarjes”