Tritol në Durrës dhe në Tiranë. Ndërsa në Durrës i ëhstë vënë lëndë eksplozivi zyrës elektorale të Lëvizjes Socialiste për Integrim në tiranë i është vendosur një automjeti. Sipas të dhënave të para në orët e para të ditës së sotme ka ndodhur një shpërthim në rrugën "Kastriotët" të kryeqytetit.

Eksplozivi ka dëmtuar pjesën e përparme të një automjeti tip Mercedes Benz, në pronësi të shtetasit T. M., me detyrë oficer policie i krimeve të rënda në Komisariatin e Policisë Krujë. Dëmtimi i këtij automjeti ka ardhur si pasojë e shpërthimit të një sasie të vogël lënde plasëse. Grupi hetimor po punon për identifikimin dhe kapjen e autorëve të kësaj vepre.