Një ngjarje e rëndë ka ndodhur këtë të premte në lagjen "Kushtim" të Vlorës. Një makinë ka shpërthyer si pasojë e një lënde plasëse eksploziv.

Policia bën me dije së është lënduar 48-vjeçari Agron Allushaj nga Vlora.

Sipas hetimeve paraprake, lënda shpërthyese është vendosur në pjesën e pasme të automjetit.

I lënduari mësohet se ndodhet në sallën e reanimacionit të Spitalit Rajonal Vlorë, ku po merr trajtimin e duhur mjekësor. Dyshohet se ai ka humbur gjymtyrët.

Ndërkohë, grupi hetimor ndodhet në vendngjarje duke kryer hetimet në lidhje me zbardhjen dhe sqarimin e rrethanave.

Njoftimi i policisë
Rreth orës 16:35, në hyrje të Vlorës pranë një karburanti ka shpërthyer në ecje automjeti i markës Benz.

Si pasojë e shpërthimit ka mbetur i dëmtuar shtetasi A.A, 48, vjeç, i cili ndodhet në sallën e reanimacionit të Spitalit Rajonal Vlorë.

Grupi hetimor ndodhet në vendngjarje duke kryer hetimet në lidhje me zbardhjen dhe sqarimin e rrethanave.

Vazhdojnë hetimet për dokumentimin e plotë të ngjarjes.