Mariza Ikonomi ishte e ftuara speciale e moderatorit Ermal Peçi në programin e sotshëm ‘Trokit’ në IN Tv. Pas një largimi prej 9 muajsh nga Shqipëria, këngëtarja sapo ka mbërritur në Tiranë për të vijuar karrierën me projekte të reja muzikore. Pasi tregoi arsyet e largimit dhe aventurat e udhëtimeve Ermali e ftoi Marizën në lojën hit të programit ‘Kapi sekondat’. Ajo na dha 4 përgjigje për çdo pyetje rastësore, brenda 6 sekondave. 

Pyetjes se cilat janë 4 pagesat për të cilat është pënduar që ka shkuar në koncerte Mariza iu përgjigj:

‘200 mijë lekë (të vjetra), 150 mijë lekë (të vjetra), 1500 euro edhe 500 mijë lekë (të vjetra). Emmm.. unë kam një tip që bëj shumë edhe për shoqeri dhe nuk mendoj gjatë për pagesat’ – shtoi këngëtarja.

3 shifrat e para në lekë Ermali tha se i kupton kur flasim për fillimet e karrierës, po me pagesën 1500 euro ç’ka ndodhur?

‘1500 euro ka qenë rast shumë i shpifur. Jemi në një treg të çuditshëm. Ai shikonte gjatë gjithë kohës, bëri një skenë…. unë preferova më mirë të mos merrja lekët e të kisha personalitetin tim, dinjitetin tim, nuk I doja lekët’

Mos humbisni momentet e tjera në videot e mëposhtme