Vite më parë të kishe një piercing në trup gjykoheshe në masë. Sot, kohët kanë ndryshuar madje faktet e sjella në studion e ‘Trokit’ janë edhe surprizuese. Të ftuar në programin e paradites në INTv, këngëtarja Elda Belortaja dhe menaxheri i ‘Kalimero shop’ Marjo Dajti tregun tendencat më të fundit të piercing, teksa Marjo shtoi se tashmë të rinjtë e Tiranës, por edhe mosha më të mëdha, kërkojnë gjithmonë e më shumë piercing në trup. I pyetur për kushtet e vendosjes së tyre, Marjo thekson rëndësine e higjenës, paisjeve sterile dhe njerëzve profesionistë që ushtrojnë aktivitetin.

Surprizuese ishin faktet e tij kur tha se edhe meshkujt janë përdorues në rritje sidomos për zona si thithkat e gjinjve ndërsa tregoi se për zonat intime s’ka më tabu. A ka pasur skena xhelozie? Si reagojnë partnerët kur shohin piercing në zonat intime? Do të befasoheni nga përgjigjet, kohët kanë ndryshuar dhe njerëzit janë bërë shumë dashamirës ndaj këtyre akesorëve. Ndiqni videon e mëposhtme për më shumë informacione.