E mërkura e kinemasë. Një dedikim ndaj filmave në emisionin e përditshëm ‘Trokit’ në IN Tv. Moderatorët Ermal Peçi dhe Sara Gjordeni pritën në studio Agron Domi dhe Ingrid Xhaja. Nominimet e çmimeve Oscar, të prezantuara pak ditë më parë, zunë shumë shpejt hapësirën e diskutimit. Sa pranë fitores janë ‘A star is Born’ dhe ‘Bohemian Rhapsody’? Ingridi tha se ka mbetur e surprizuar nga intepretimi i Lady Gagës, muzikës në film dhe kimia me aktorin Bradley Cooper.

Po filmi ‘Roma’ pse ka kaq shumë parashikime të larta për fitoren e madhe? Producenti kinematografik Agron Domi tha se nuk beson se do të rrëmbëj trofeun për filmin e vitit teksa parashikimi personal shkon për ‘The Favourite’. Cilat jane filmat e nominuar më të ndjekur në kinemat e kryeqytetit? Po ju i keni ndjekur? Zbuloni më shumë në videon e mëposhtme.