Programi i përditshëm në IN Tv ‘Trokit’ i dedikoi sot hapësirë diskutimit rreth produkteve ‘Made in Albania’, ushqimeve dhe pjatave tradicionale. Moderatorët Ermal Peçi dhe Sara Gjordeni pritën në studio agronomin Zef Gjeta dhe shefin Edmond Kikino. Që në nisje të bisedës, Ermali pyeti profesor Gjetën rreth ushqimeve bio, rreth faktit të thënë shpesh që produktet shqiptare janë bio apo se ne ‘ushqehemi bio’.

‘Nuk ka produkte bio, fatkeqësisht. Statusi BIO duhet fituar, përdoret pa vend. Që një produkt të jetë bio duhet të varet nga disa faktorë që lidhen më çertifikimin e dheut, barit, ujit. Çertifikimi do kohë, me vite, do edhe shumë investim financiar. Ka dy vajra ulliri bio, të limituara, produkte të tjera s’ka. Fatkeqësisht’ – tha Gjeta.

Gjithashtu shihet një tendencë e restoranteve rreth servirjeve të pjatave shqiptarë, por sa autoktone janë ato? Sa tradicionale? Shef Kikono bën dallimin e tyre ndëesa nuk heziton të përmendi disa pjata autoktone. Cilat janë? I keni provuar? Merrni përgjigjet në videon e mëposhtme.