Deputetët Ben Blushi dhe Mimoza Hafizi kanë çuar në komisionin e çështjeve sociale dhe shëndetësisë, nismën Për ndihmën dhe shërbimet shoqërore. Blushi ka qënë i ashpër gjatë fjalës së tij kur ka ndalur tek varfëria aq sa ka thënë se në këto kushte jemi para një rreziku të fortë siç është përplasja civile.

“Nëqoftëse vazhdon kjo shkallë varfërie në vend do të ketë përplasje civile në Shqipëri. 3 mijë veta kanë më shumë pasuri se sa 3 milion shqiptarë,” tha prerë Blushi.
Madje Blushi lajmëron dhe një eksod tjetër të mundshëm kur thotë se do ikin nga vendi shqiptarët e varfër dhe do vijnë kinezët.