Bota e futbollit është në shok ndërkohë që kapiteni i Fiorentinës Davide Astori ka ndërruar jetë.  Astori, 31 vjeç, është gjendur i vdekur në dhomën e tij të hotelit “La di Moret”, në Udine, ku skuadra e tij gjendet për ndeshjen e me Udinezen.

Siç raportohet nga mediat vendase, Astori ka vdekur në gjumë, ndoshta nga një atak kardiak. Ai është rritur te akademinë e Milanit dhe në karrierën e tij ka luajtur edhe me Cagliarin dhe Romën.

Pas lajmit për vdekjen e kapitenit të Fiorentinës në moshën 31-vjeçare, janë shtyrë të gjitha ndeshjet e Seria A, mes tyre edhe derbi Milan-Inter.