Një krim i rëndë ka ndodhur mëngjesin e sotëm, në tregun e Milotit ku gruaja ka vrarë me armë bashkëshortin e saj. Një grua 35-vjeçare ka vrarë bashkëshortin e saj rreth orës 7:10. Burri Kujtim Donaj 42 vjeç është ekzekutuar me pistoletë nga gruaja e tij, Violeta Donaj në një zonë mjaft të populluar. Familja Donaj jetonte në qytetin e Peshkopisë. Pas ngjarjes, gruaja ka tentuar të largohet nga vendi i ngjarjes, por policia e ka ndjekur dhe e ka arrestuar. Të pranishmit në vendngjarje tregojnë se ka pasur një debat mdisi dy bashkëshortëve që ka përfunduar me shkrepjen e pistoletës nga ana e Viloletës. E pranishme në momentin e ngjarjes mësohet se ka qenë edhe motra e viktimës, kunata e autores. Policia ka bërë publike disa detaje nga ngjarja,motivet e së cilës mbeten e nde të pazbardhura.
“Më datë 17.06.2018, rreth orës 07:10 , në tregun e Milotit në Kurbin, shtetasja V.D. 35 vjeçe, banuese në Rrëshen, për motive ende të paqarta, ka vrarë me armë zjarri tip pistoletë, bashkëshortin e saj, shtetasin K.D. 42 vjeç, banues në Rrëshen. Menjëherë pas ngjarjes, shtetasja V.D. ka tentuar të largohet por ndërhyrja në kohë e forcave policore, ka bërë të mundur kapjen dhe arrestimin e saj në flagrancë si dhe sekuestrimin e armës së zjarrit tip pistoletë me të cilën është kryer krimi. Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet në vendngjarje për zbardhjen e plotë të rrethanave të ngjarjes”-thuhet në njoftimin e Policisë.