Vdekja misterioze e azilkërkuesit 23 vjeçar, Florenc Beqiraj, ka shkaktuar zemërim në vendin e tij dhe thekson jetën e pasigurt të shumë emigrantëve. Media turke TRT world i ka kushtuar një shkrim vdekjes në rrethana misterioze të të riut Florenc Beqiraj. Artikulli i shkruar nga Elis Gjevori ngre pikëpyetje mbi ngjarjen ndërsa pasqyron edhe zemërimin e shqiptarëve, ndaj qeverisë së tyre dhe autoriteteve franceze. 

Shkrimi i plotë në TRT world
Vdekja misterioze e azilkërkuesit 23 vjeçar, Florenc Beqiraj, ka shkaktuar zemërim në vendin e tij dhe thekson jetën e pasigurt të shumë emigrantëve. 23-vjeçari Florenc Beqiraj u shpall i vdekur më 24 dhjetor në një spital në Marsejë, Francë. Stafi i spitalit raportohet se e kishte hequr nga aparaturat që e mbanin në jetë pa pëlqimin e familjes së tij. Mediat shqiptare thonë se vdekja e Beqiraj ka ardhur nga brutaliteti i policisë franceze. Autoritetet franceze thonë se Beqiraj bëri vetëvrasje. Beqiraj u arrestua më 27 nëntor dhe po përballet me dëbimin. Sipas njoftimeve të mediave franceze, Le Provence, data e tij e dëbimit u vendos për 15 dhjetor. Njëzet e katër orë para këtij afati, ai u dërgua në spital. Media në Shqipëri raporton se ai kishte shenja të mbytjes në qafë dhe shenja gërryese në duar.
Shqiptarët kërkojnë përgjigje
Familja e Beqiraj kërkon një autopsi të menjëhershme dhe u ka bërë thirrje autoriteteve franceze të shohin të gjitha pamjet e kamerave të sigurisë nga qendra e paraburgimit ku ai po mbahej. Zemërimi është drejtuar gjithashtu ndaj autoriteteve shqiptare, të cilët kritikohen se kanë treguar pak interes për mirëqenien e qytetarëve të tyre. Politikanët shqiptarë kanë thënë se çështja nuk duhet të "politizohet" duke pasur frikë se çdo koment që vë në pozitë Francën mund të ketë pasoja në aspiratat e Shqipërisë për t'u bashkuar me BE. Aktivistët vendorë në kryeqytetin shqiptar, Tiranë, protestuan jashtë ambasadës franceze pas vdekjes së Beqiraj. 23 vjeçari kishte shkuar në Francë duke kërkuar një jetë më të mirë. Ai u arrestua nga policia franceze pa dokumente dhe u dërgua në një kamp ndalimi në pritje të deportimit. Në kohën e vdekjes së tij, Beqiraj kishte qenë në Francë për tre vjet dhe nuk dihet të kishte ndonjë dosje penale.
Protestat kundër ndjenjave të ekstremit të djathtë
Shumë shqiptarë në mediat sociale kanë shprehur gjithashtu zemërim për mungesën e transparencës nga autoritetet franceze dhe ato që ata e shohin si një ndjenjë anti-shqiptare në rritje në Francë. Më parë këtë vit kryetarja franceze e ekstremit të djathtë, Marie Le Pen, përdori retorikën anti-shqiptare për të mbledhur mbështetësit gjatë fushatës së saj për presidencën. Terma të tilla si "#JusticeForFlorencBeqiraj" dhe "Florenc Beqiraj" janë përdorur mijëra herë në platformat e mediave sociale. Një grup që e quan veten 'Anonymous Albania’, e cila i tha TRT World se ka lidhje me kolektivin e hakerëve, 'Anonymous' ka sulmuar duke hedhur poshtë faqen zyrtare të Policisë Kombëtare Franceze në shenjë proteste. Deri në kohën e shkrimit të martën, faqja e internetit ishte endee rrëzuar.
Numri i shqiptarëve që kërkojnë azil në Francë është rritur ndjeshëm gjatë viteve të fundit. Vetëm në vitin 2016, më shumë se 5,700 shqiptarë kërkuan azil në Francë. Franca hapi kampin e saj të parë të emigrantëve që plotësonte standardet ndërkombëtare në vitin 2016, pas thirrjes së tyre ndaj kushteve çnjerëzore në 'Jungle', një kamp i improvizuar në Calais që refugjatët ndërtuan për veten e tyre pas neglizhimit nga autoritetet. Policia franceze më vonë do ta pastronte atë kamp dhe do ta digjte. Vdekja e Beqiraj ka hedhur dritë mbi trajtimin që u bëhet shumë emigrantëve në Francë. Një raport i Human Rights Watch theksoi se të paktën 600 emigrantë u keqtrajtuan nga policia franceze në kampin e Calais. Julian Karagueuzian, koordinator për Forumin e Refugjatëve - një organizatë lokale që punon në trajtimin human të emigrantëve në sistemin francez të paraburgimit ka përshkruar kushtet në kampin që Beqiraj ishte duke u mbajtur si një "tenxhere me presion" dhe që do të shpërthejë për shkak të mbipopullimit dhe mungesës së personelit. Gjendja e emigrantëve në Francë dhe klima e tanishme politike në të djathtë sugjerojnë se vdekja e Beqiraj nuk do të jetë tragjedia e fundit e tillë që do të bëhet e pashpjegueshme.