Kandidati republikan për president i Shteteve të Bashkuara të Amerikës, Donald Trump, duke folur për forumin presidencial të NBC Neës, ka shprehur edhe një herë simpatinë e tij për Vladimir Putin, duke thënë se ai është një lider më i mirë se Obama.

E menjëhershme ka qenë edhe përgjigja e presidentit në ikje të SHBA, i cili gjatë një konference në Laos,  është shprehur se Trump nuk është i kualifikuar për të qenë president i Shteteve të Bashkuara, dhe sa herë që flet e vërteton këtë.   Obama thotë se është i bindur që amerikanët do ta refuzojnë Trump-in.

Ai shtoi se takimet e tij me liderët e huaj gjatë udhëtimit i kanë ilustruar se qeverisja është ‘një punë serioze’ e cila kërkon njohuri, përgatitje dhe politika që mund të zbatohen.Presidenti aktual kërkoi nga amerikanët që të mos lejojnë, atë që ai e quajti ‘sjellje e egër’ të bëhet sjellja e re normale.