Nëse ka patur persona më të “prekur” nga fushata e Donald Trump, ata ishin emigrantët, dhe mesa duket presidenti i sapo zgjedhur amerikan, e ka ndërmend të fillojë menjëherë të përmbushë premtimet e dhëna. Gjatë intervistës për CBS, Trump është shprehur se do ti përmbahet premtimeve të tij dhe do të dëbojë menjëherë nga SHBA 2-3 miliona emgriantë të jashtëligjshëm, dhe se do të fokusohet te sigurimi i kufirit duke ndërtuar murin mes Amerikës dhe Meksikës.

“Ajo çfarë do të bëjmë është që të gjithë kriminelët, personat me precedente penalë, anëtarët e bandave kriminale, tregtarët e drogës, të cilët janë të shumtë këtu, ndoshta dy milion ose edhe 3 milion, dhe do ti largojmë nga ky vend ose t’i burgosim”, u shpreh ai për CBS.

Më tej Trump tha se do të fokusohet në sigurimin e kufirit. Pasi kufiri të sigurohet do të merren vendime për të gjithë ata emigrantë që do mbeten brenda SHBA-ve.