Akuza, fyerje dhe replika të forta, ndoshta edhe më shumë se në Amerikë, ka shkaktuar zgjedhja e Trump si President i SHBA-ve. Edi Rama është përpjekur edhe njëherë, nga foltorja e Kuvendit, të sqarojë qëndrimin e tij të ashpër për Trump dhe deklaratat ekstremiste që lëshoi gjatë fushatës për presidencialet në SHBA. Por po kaq të forta ishin edhe akuzat që lëshoi ndaj kreut të ekzekutivit për këtë qëndrim, ish-kryeministri Sali Berisha. Debati për politikën e jashtme të qeverisë nuk la jashtë vëmëndjes edhe sjelljen ndaj Kosovës.