Marviol Bilo, komandoja që dyshohet se ka qëlluar për vdekje Fabiol Gaxhan dhe ka plagosur rëndë Elion Haton dhe Ervis Martinaj, ka nisur të bashkëpunojë me policinë. Ai dhe pse i fshehur po komunikon përmes avokatit të tij. Sipas “Shqiptarja.com”, truproja e Elvana Gjatës, Bilo nga arratia ka kontraktuar një avokat dhe është pikërisht ky person që po negocion me prokurorinë, për të realizuar vetëdorëzimin e komandos, që shkaktoi masakrën në zonën e bllokut në Tiranë.

Në disa meme, të dërguara në prokurori nga avokati i Bilos, pretendohet se Marviol Bilo ditën e ngjarjes nuk ka pasur asnjë armë me vete, por pistoletën ia ja ka marrë Redi Popeskut, i cili e dispononte me leje.
Nga këto komunikime, pretendohet se Bilo pas ngjarjes është larguar drejt godinës së Kuvendit, më pas ka hyrë një një rrugicë që të nxjerr tek Ambasada e Kosovës, pranë Gjykatës Kushtetuese, dhe ka kapërcyer më pas Bulevardin Dëshmorët e Kombit. Pasi ka shkuar pranë Piramidës, tek disa pemë në lulishte ka hedhur pistoletën me të cilën kreu krimin.
Prokurorisa ka thënë se intenerari i lëvizjes së Bilos është fiksuar nga kamerat e sigurisë të bizneseve. Ndërkohë ende nuk dihen rrethanat se si komaandos i ka rënë në dorë arma e Redi Popeskut, për të cilin gjykata dha dje masën ‘arrest shtëpie’.
Të arrestuar deri më tani për ngjarjen janë Ervis Martinaj, Redi Popesku dhe Eljon Hato.