Këngëtarja 30-vjeçare, e cila ka pak kohë pa prezantuar ndonjë projekt të ri, ka ndarë më fansat në Instagram pak nga Parajsa e saj. Themi kështu pasi i tillë ngjan vendi ekzotik, ku Tuna ka shkrepur pozën e saj. Në foto duket edhe dora e një mashkulli me tatuazhe, i cili i ka drejtuar asaj një gotë Shampanjë. Sigurisht që për një foto të tillë nuk mund të mungonte një përshkrim pikant si ai që ka dhënë Tuna me fjalë të thjeshta: “Më hidhni në xhungël dhe unë do të dal nga aty duke ju kërkuar një gotë Shampanjë”. Megjithëse fotoja na kujton një throëback të saj nga pushimet në Bahamas, përshkrimi na jep përshtypjen se është tepër aktual. Ta ketë personale kësaj here biondja bukuroshe? Hmmm, sido që të jetë jemi gjithë sy e veshë për ta zbuluar!