Një mjet me të cilin po udhëtonin disa turistë nga ishujt Karaibe është aksidentuar në aksin Gjirokastër-Tepelenë.
Mësohet se furgoni ka dalë nga rruga, duke shkaktuar plagosjen e disa prej personave që udhëtonin në mjet.
Sipas të dhënave të uniformave blu, në furgonin me turistë udhëtonin 7 persona. Menjëherë në vendngjarje kanë mbërritur forca të shumta të policisë, ndërsa turistët janë nisur drejt spitalit të Gjirokastrës dhe fatmirësisht ndodhen jashtë rrezikut për jeten.
Policia në vendin e ngjarjes ka nisur punën për zbardhjen e shkaqeve të këtij aksidenti.
Turistët po ktheheshin nga Saranda dhe dyshohet se shkak i aksidentit ka qenë përgjumja e shoferit. Ndërkohë në pranga ka rënë shoferi i furgonit.

Njoftimi i plotë i policisë:
Nga Specialistët e Sektorit të Policisë Rrugore u bë arrestimi në flagrancë i shtetasit: Arben Lame, 46 vjeç, banues në Fier, pasi: Duke drejtuar mjetin autobuz tip "Benz", (20+1), me targa AA 520 NA, në hyrje të qytetit Tepelenë ka humbur kontrollin e mjetit, ka dal nga rruga duke u përplasur në anën e sipërme të rrugës, ku për pasojë kanë marrë dëmtime të lehta 6 turistë.
S.K , 6 vjeçe, banuese në SHBA, jashtë rrezikut për jetën. A.F, 66 vjeç dhe R.F, 79 vjeç banues në Tirinad-Tabako (të dy këta shtetas ndodhen në spitalin e Fierit jashtë rrezikut për jetën ).
M.H ,70 vjeçe banuese ne SHBA, J. H, 63 vjeç, dhe R.P 64 vjeç. (të tre këta shtetas ndodhen në spitalin e Gjirokastrës ,me dëmtime të lehta jashtë rrezikut për jetën).