Kanë qënë duke ecur në shkallën lëvizëse kur tavani është shembur nga ku mbetën të plagosur 9 turistë. Ngjarja ndodhi sot në qendrën turistike të malit Huashan në Kinë. Momenti i frikshëm është filmuar nga kamerat e sigurisë. Grupi i turistëve shihen të frikësuar, ndërsa tavani shembet mbi  kokat e tyre. Disa vendosën duart në kokë për të mbrojtur veten, ndërsa të tjerët u përpoqën që të hidheshin nga shkallët lëvizëse dhe  të largoheshin. Disa turistë mbeten të bllokuar poshtë materialeve të shembura, derisa u liruan nga shërbimet emergjencës. Sipas raportimeve të para, nuk ka persona të lënduar në gjendje shumë të rëndë, por të lënduarit janë transportuar të gjithë në spital për trajtim mjekësor. Qendra turistike po punon me autoritetet kineze për të përcaktuar shkakun e incidentit dhe do të qëndrojë e  mbyllur derisa të përfundojnë  hetimet.