Një ndër festivalet më të mëdha muzikore në Shqipëri, i cili çdo vit bën bashkë mrekullinë e plazhit të Drimadhesit me tingujt më të mirë elektronikë nga DJ të ndryshëm, shqiptarë dhe të huaj. Ashtu siç do të jetë këtë vit Hito, pionierja e muzikës techno me bazë në Japoni, apo londinezi Dave Mothersole, perkrah te cilëve do të performojnë shumë emra DJ-sh nga vendi si Robotek, Uran B, Likatek, Tatu, Chriss V, DJ Cool e të tjerë. Sigurisht i konceptuar në një hapësirë prej 3000 mijë metrash katrorë dhe një harku kohor prej 36 orësh, gjatë 3 ditëve të festivalit nuk do të mungojnë komoditetet në lidhje me tendat për të fjetur, ushqimin, pijet dhe koktejlet nga Nouvelle Vague, por njëkohësisht edhe aktivitet sportive, si psh yoga, një risi e këtij edicioni të 5-të. Këtë verë, fundjavën e parë të gushtit dedikojani argëtimit të shpirtit dhe trupit tuaj në "Ishullin e Breshkës". Kujdes...festa fillon në mesditë, do të ketë kulmin e saj në perëndim dhe do të përfundojë pas mesnate!