Por duket se nuk ishte faji i reperit 26 vjeçar. Vetë Tyga kërkon të shfajësohet nëpërmjet Twitter duke thënë se ai nuk ishte në dijeni që “Sir Paul” ishte i pranishëm atje dhe se nuk kishte arsye pse t’ia ndalonte hyrjen “një legjende”. Sipas artistit amerikan faji është i truprojeve në hyrje ndërsa saktëson se ai vetë nuk është përgjegjës për kë futet dhe del nga dera, pasi ai thjesht performon. McCartney ndodhej me gruan e tij, bateristin e Foo Fighters Taylor Hawkins dhe këngëtarin Beck kur pyeti me ironi truprojet “Duhet të jemi më të famshëm se kaq?”.

Duket ironike po të mendosh që legjenda e Beatles ka fituar diku tek 20 çmime Grammy, praktikisht sa shumë artistë të tjerë të pranishëm në festë të mbledhur së bashku. Ndoshta po të kishte qenë i shoqëruar nga Kanye, me të cilin ka bashkëpunuar për të realizuar këngë, të tilla probleme nuk do të ekzistonin për yllin britanik. Megjithëse edhe Kanye në këngën e tij me Rihannan dhe McCartney-n e vuri këtë të fundit t’i binte kitarës ndërkohë që ai vetë dhe këngëtarja 27 vjeçare ishin të vetmit që këndonin. Ndoshta Paul-it ia bëri vetë koka.

Përditësime të fundit bëjnë me dije nga përfaqësues të klubit Argyle se artistit 73 vjeçar nuk iu ndalua hyrja në klub, por ishte ai vetë që u largua pasi po kërkonte festën e Mark Ronson, që ishte në një klub tjetër. Ata shtojnë gjithashtu që "sir McCartney natyrisht që mund të futej në rast se do të dëshironte".