Reperi 26 vjeçar, postoi një foto të tijën së bashku me një të 2Pac ngjitur, duke e quajtur këtë të fundit “Baba”. Të shumta ishin reagimet negative kundrejt tij, disa kërkonin madje që ta fshinte foton, por Tyga, për të sqaruar situatën shkruan se 2Pac për të ka qënë si një baba i vërtetë. Ai e ka frymëzuar, dëgjuar dhe motivuar pa qënë i pranishëm, ndryshe nga babai i tij i cili është i dënuar me burgim të përjetshëm. Për ta dramatizuar më shumë gjëndjen, Tyga poston edhe një letër që i ati i kishte dërguar nga burgu, edhe pse ai nuk ka pasur kurrë rastin ta takojë ndonjëherë.