Kylie Jenner dhe Tyga ishin një nga çiftet më të bukura në showbiz, por lidhja e tyre mori fund pas pothuajse 2 vitesh. Mënjëherë pas ndarjes, ajo dhe reperi Travis Scott filluan një romancë e cila i solli frytet e saj. Kylie Jenner u bë nënë e një vajze të quajtur Stormi, por Tyga do të sigurohet nëse vogëlushja është e tij apo jo.

Fillimisht sajti i njohur hollywoodlife.com bëri me dije se Tyga ka kërkuar një fotografi të Stormi-t pasi ka lexuar thashethemet online se vajza e porsalindur ngjan me djalin e tij King Cairo ndërkohë që tani i ka çuar gjërat në një nivel tjetër. Një burim i afërt me familjen Kardashian-Jenner është shprehur për të njëjtin sajt se Tyga i ka kërkuar ndihmë nënës së Kylie, Kris Jenner për të bërë testin e ADN-së, sepse do të bindet plotësisht nëse Stormi është vajza e tij apo e Travis Scott.