Para disa muajsh, ish-kryeministri Berisha bëri një deklaratë të fortë duke thënë se Ministri i Punëve të Jashtme, Ditmir Bushati kishte shfrytëzuar vizitën e tij zyrtare për epshet e tij seksuale, pasi u përfshi në një video-skandal seksual me një prostitutë braziliane.

I ftuar në emisionin e Adi Krastës, ministri Bushati foli lidhur me deklaratën e Berishës.

“Zoti ministër, çfarë ka ndodhur në Brazil?”, pyeti Krasta duke kapur të papërgatitur Bushatin. “Në Brazil është zgjedhur presidenti i ri”, u përgjigj Bushati në mënyrë diplomatike.

Por Krasta vijoi të institonte me pyetje në këtë çështje, duke patur parasysh pretendimet për një skandal seksual ku raportohet (asnjëherë e konfirmuar) se është përfshirë ministri Bushati.

“Kam qenë në vizitë në Brazil dhe në vende të tjera të Amerikës së Jugut. Është një histori e sajuar gjashtë muaj pasi ka ndodhur vizita në të vërtetë, në të cilën si gjithmonë, doktori (Sali Berisha) ka qenë megafoni kryesor”, u shpreh Bushati.