Policia ka marrë sot në mbrojtje Xhisiela Malokun, vajzën nga Kruja që është dhunuar nga djali i deputetit të PS, Rexhep Rraja.

Bëhet me dije se dy efektivë të Policisë së Shtetit kanë marrë në mbrojtje vajzën në banesën e saj në fshatin Nikël të Fushë-Krujës, aty ku ajo jeton me familjen.

Rexhep Rraja, djali i deputetit të PS Rrahman Rraja, është arrestuar ditën e djeshme me urdhër të Gjykatës së Krujës, për përndjekjen dhe dhunimin e Xhiseila Malokut.

Dhuna ndaj vajzës është bërë publike pak ditë më parë, në një intervistë që oficeri i policisë Emiliano Nuhu bëri për mediet. Nuhu dëshmoi për dhunën e ushtruar ndaj vajzës. Ai gjithashtu ngriti dhe akuza ndaj policisë për neglizhencë të rastit, si dhe tregoi se ishte kërcënuar me armë në prani të deputetit Taulant Balla.