Xing.al raportoi se Turi do të fillonte një emision të ri në Klan Plus. Por një gjë e tillë turi para disa ditësh e mohoi me anë të një videoje dhe fotoje që postoi në Instagamin e tij personal.

“O Ermal Mamaqi ç’na bëre se na çave telefonin. Do shkosh me pushime në Berat do rrish 6 muaj, ja mbaje mend këtë s’di ç’të të bëj”, është shprehur Turi për Ermal Mamaqin, pasi ky i fundit përhapi lajmin.

Para disa ditësh u bë publike një foto ku Turi shihej duke biseduar me pronarin e televizionit Klan dhe të gjithë menduam se largimi i tij nga “Vizion Plus” ishte thjeshtë çështje ditësh.

Turi vendosi të reagonte për këtë foto rreth 5 ditë më pas, ditën e sotme, duke publikuar një foto të makinave të “Vizion Plus”. Nga foto kuptojmë se ai nuk ndodhet në ambientet e televizionet, por ka hasur një nga automjetet me të cilët udhëtojnë gazetarët dhe operatorët, në rrugët e Tiranës.

Përfundimisht, çfarë po ndodh? Do të largohet apo jo nga “Vizion Plus”?