17 Shkurti do ta rikthejë në skenë Elvana Gjatën! Këngëtarja e njohur në përvjetorin e 11-të të Pavarësisë së Kosovës do të performojë në Prishtinë hitet e saj më të njohura në një event që pritet të mbahet mend. Është bashkëshortja e kryeministrit Ramush Haradinaj, Anita, ajo e cila ka organizuar këtë koncert në të cilën do të performojë këngëtarja Elvana Gjata.

Kjo e fundit bashkë me moderatorin Alaudin Hamiti duket se, kanë diskutuar deri në orët e vona për mbarëvajtjen e koncertit. Të dy shfaqen në Instagramin e Valdrin Sahitit, i cili në profilin e tij ka publikuar disa momente të diskutimit mes tyre, duke cituar shkrimtarët e mëdhenj shqiptarë, si Mitrush Kuteli, Ali Podrimja e Ismail Kadare.

Këngëtarja shihet e reahatuar në karrigen e saj, e veshur me një bluze të bardhë sportive me kapuç e flokët e kapur bisht. Koncerti do të mbahet në Qendrën Kulturore në Klan Kosova ditën e nesërme më 17 shkurt, në orën 20:30.