Jeta private e reperit të suksesshëm, Majk ka qenë vazhdimisht në vëmendje të mediave dhe kështu ka ndodhur edhe së fundmi. Kanë nisur zëra se Majk është në një romancë me bukuroshen shqiptare që u zgjodh "Miss UnIverse Kosova 2020", Blerta Veseli.

Dyshimet lindën pasi dyshja ka frekuentuar vende të njëjta dhe përmes postimeve që kanë bërë në rrjete sociale bie në sy sfondi i ngjashëm.

Gjithashtu një foto e reperit u publikua në profilin e Blertës në Instagram me mbishkrimin “Hacked”, por që u fshi pak kohë më pas.

Ndërsa Majk ka reaguar në një farë mënyrë lidhur me këtë lajm pasi dikush i ka dërguar reperit foton e tij të publikuar në InstaStory-n e Blertës, mirëpo përgjigja e tij s’i ka pëlqyer aspak fansit.

Majk ka shkruar se nëse edhe njëherë do flasin ose do bëjnë diçka për jetëne e tij private, do t’u bëjë bllok.

I revoltuar nga ky mesazh, fansi i reperit ka shkruar se nuk e ka pritur aspak mirë këtë përgjigje.