Janë ndarë, por Mozzik ende nuk e ka harruar Loredanën. Ai vazhdon t’i dedikojë këngë me tekste shumë të ndjera. Dje për Shën Valentin reperi publikoi këngën “A po rrin” dhe dukshëm teksti është dedikim për ish-partneren.

“Ndoshta e kemi lyp se fillum m’i hip njëri-tjetrit n’kry veç me negativitet, i morëm senet shpejt e shpejt e shpejt, e krytëm, veç kur e pashë që më s’jemi! Po thashë shpejt vjen koha do të kthehemi, se një ëngjëll në mes e kemi”, këndon Mozzik.

Siç kuptohet, ëngjëlli është vajza e tyre Hana. Kujtojmë se Loredana dhe Mozzik i dhanë fund lidhjes para shumë muajsh. Ndarja u konfirmua nga vetë reperja e cila asokohe tha se janë të dy shumë kokëfortë dhe nuk mund të kenë një marrëdhënie të shëndetshme.