Ajo po shkatërrohej plotësisht, ndërsa princi Charles ishte ribashkuar me ish partneren e tij Camilla Parker. E dërrmuar, ajo vendosi që të bëjë publike pjesën e saj të historisë duke regjistruar mendimet e saj për autorin Andrew Morton. Për t’u realizuar diçka e tillë princesha vuri vetëm një kusht, që përfshirja e saj të mbahej në fshehtësi të plotë. Libri që Morton shkroi, “Diana: Historia e saj e vërtetë”, shkaktoi një sensacion të vërtetë. Tashmë, 20 vite pas vdekjes së saj, ky libër po ripublikohet, së bashku me transkripte të atyre regjistrimeve. Vetëm pak javë pas martesës, në periudhën korrik-gusht të vitit 1981 gjithçka po shkatërrohej shumë shpejt. Diana për pak preku fundin, duke rrëfyer se “ishte përpjekur që të priste kyçet e saj” për t’i dhënë fund jetës.