Është ndarë nga jeta në moshën 28 vjeçare DJ me famë botërore, Tim Bergling, i njohur me emrin e artit Avicii. Ai është gjetur i pajetë në banesën e tij nga familjarët, të cilët kanë mbetur të tronditur nga ikja e parakohshme e tij. Nuk dihen ende shkaqet e vdekjes se muzikantit suedez, ndërsa pritet fjala e ekspertizës.

Avicii ishte një ndër DJ më të famshëm dhe më të pëlqyer vitet e fundit, ndërsa bashkëpunimet e tij me emra të njohur të muzikës kanë qenë të shumta.

Ky lajm ka tronditur të gjithë fansat e muzikës dhe menjëherë kanë ardhur reagimet në rrjetet sociale. Përveç artistëve të mirënjohur botërorë si Calvin Harris, Martin Garrix edhe vip-at shqiptarë kanë shprehur hidhërimin e tyre për ndarjen nga jeta të Aviciit. Ndër ta ishin, Oriola Marashi, Flori Mumajesi, Dafina Zeqiri, Young Zerka, Stanaj e shumë të tjerë.