Pas 10 vitesh beteje me kancerin, kjo semundje e rëndë e mposhti atë. Bëhet fjalë për aktoren e njohur australiane Cathy Godbold e cila u nda nga jeta në moshën 43-vjeçare pasi vuante nga kanceri në tru.

Cathy ishte më e njohur për rolin e saj në serialin televiziv australian-kanadez, Saddle Club, në të cilin ajo luajti si Deborah Hale Regnery.

Sipas Sydney Morning Herald, aktorja vdiq në spital pasditen e djeshme si pasojë e një tumori të trurit terminal. Ajo u diagnostikua fillimisht në vitin 2007, kur ajo iu nënshtrua trajtimit dhe operacionit për të hequr një tumorin por në janar të këtij viti u tha se kanceri ishte kthyer.