Arkimed Lushaj, reperi i njohur si “Stresi” është shpallur në kërkim nga Policia e Shtetit, pasi akuzohet se u përfshi në akte dhune në protestën e mbrëmshme për vrasjen e 25-vjeçarit Klodian Rasha nga një efektiv i policisë. Ndërkohë që është në kërkim nga uniformat blu, Arkimed Lushaj ka reaguar në rrjetet sociale.

Reperi publikoi një video rreth dy orë më parë teksa udhëtonte me makinë dhe në sfond dëgjohej një këngë e tij, që duket si një “sfidë” nga Policisë së Shtetit. Stresi ishte mes protestuesve që kërkuan drejtësi për vrasjen e 25-vjeçarit, Klodian Rasha mbrëmjen e djeshme, tubim që u shoqërua edhe me momente dhune.