Një video e publikuar nga televizioni T7 ku shihet shume qartë momenti kur Elvana Gjata nuk i flet Tunës në sallë pak para premierës së filmit “2 Gisht Mjaltë” në Prishtinë, u komentua shumë dhe bëri xhiron e rrjetit.  

Komentet rreth asaj video bënë që Elvana të publikojë një foto në InstaStory me Armendin dhe Tunën, “Shumë dashuri për ju Tune dhe Armendi”, ka shkruar Elvana krahas fotografisë me dyshen. Por edhe Tuna nuk ka qëndruar duarkryq dhe ka reaguar publikisht me anë të së njejtës foto që publikoi Elvana. 

“Nga premiera e filmit ‘2 Gisht Mjaltë’ në mbështetje të Elvana Gjatës, që dëshiron të na ik në ujërat e aktrimit. Nuk të lëmë jo”, janë fjalët e Tunës.

Në foto përveç Tunës edhe Elvanës është edhe këngëtari, Armend Regjepagiqi i cili së fundmi bëri rikthimin në muzikë.