Facebook njoftoi në fund të shtatorit, se ishte goditur nga hakerët që kishin akses në dhjetëra miliona llogari të përdoruesve. Dhe tani, siç shkruajnë mediat e huaja, duket se sulmi mund të ketë prekur “vetëm 30 milionë përdorues” nga 50 milionë sa ishte supozuar më parë. Por, gjithsesi, edhe më tej, identiteti i hakerëve vazhdon të mbetet i pazbuluar. Facebook thotë se FBI po heton një shkelje të madhe të sigurisë në shërbimin e saj, por kompania thotë se autoritetet kanë kërkuar që të mos flitet se kush mund të jetë pas sulmit. Kjo sugjeron se Facebook mund të dijë ose dyshon se kush fshihet pas shkeljes. Në një deklarim për mediat, Facebook dha detaje të vogla për “qasjen e hakerëve” përtej atyre që u prekën, duke evidentuar faktin se kjo çështje mbetet një hetim i hapur nga FBI dhe të tjerët.

Guy Rosen, nënkryetar i Facebook për menaxhimin e produkteve, kërkoi falje për këtë “lëshim”, duke thënë: “Privatësia dhe siguria e njerëzve janë të rëndësishme për ne dhe na vjen keq që kjo ndodhi”.

15 milionë përdorues nga 30 milionë kishin emrat e tyre dhe informacionin e kontaktit të qasur nga hakerat. Përafërsisht 14 milionë e kishin atë informacion të vjedhur, përveç një numri të dhënash të tjera, duke përfshirë emrin e përdoruesit, datën e lindjes, gjininë dhe 15 nga kërkimet e tyre më të fundit. Në këtë drejtim, gjiganti i medias sociale ka lançuar një faqe të dedikuar për të kontrolluar nëse ju keni qenë të goditur nga hakerët, gjë të cilën mund ta bëni në këtë mënyrë:

Vizitoni linkun “Facebook Help center” pasi të futeni në llogarinë tuaj në Facebook.

Shkoni poshtë në seksionin: “Is my Facebook account impacted by this security issue?”
Përdoruesve do t’i jepet një përgjigje “Po” ose “Jo”. Për përdoruesit që nuk janë prekur, ata nuk kanë nevojë të ndërmarrin hapa të menjëhershëm. Për përdoruesit që u prekën, Facebook do t’u japë përdoruesve një listë të të dhënave që besojnë se u është qasur nga hakerët.

Përdoruesit e prekur do të jenë në gjendje të dallojnë nëse ata ishin pjesë e 15 milionë shfrytëzuesve, emri dhe informacioni i kontaktit i tyre ishte i qasshëm, ose 14 milionë të tjerë tek të cilët ata kishin qasje më të gjerë në informacion. Ata gjithashtu mund të jenë pjesë e 1 milion shfrytëzuesve, “tokeni” i të cilave është vjedhur, por nuk u qasën tek informacionet personale. Përdoruesit duhet të marrin një ‘mesazh të përshtatur’ në ditët e ardhshme duke iu treguar atyre masa të mëtejshme parandaluese që mund të ndërmarrin për të mbrojtur llogarinë e tyre.