Ata para disa vitesh ishin një ndër çiftet më të pëlqyer dhe më të dashur nga publiku shqiptar si nga ana sentimentale ashtu edhe nga ajo profesionale. Por lidhja e tyre përfundoi pas një sherri të ish të fejuarit të Dafinës me Ledrin. Të dy artistët nuk kanë folur prej kohësh, por tashmë kanë bërë “armëpushim” dhe përformojnë në koncerte bashkë.

Me 1 mars, Dafina publikoi këngën e saj më të re “A e man n'men” që është pritur shumë mirë nga publiku dhe fansat ende janë duke aluduar se gjithçka ka qenë një dedikim ndaj ish të dashurit të saj, Ledri Vulës. 

Ndoshta fansat thjeshtu duan t'i shohin sërish bashkë, por Duffye ka marrë mbështetjen e shumë artistëve shqiptarë lidhur me këtë projekt, e një prej tyre është edhe Ledri.

Reperi i talentuar e ka publikuar këngën në instastory duke ftuar fansat e tij të shumtë ta dëgjojnë këtë këngë.

Pra Dafina dhe Ledri na tregojnë edhe një herë se nuk është e vështirë të qëndrosh thjeshtë shok/shoqe pas ndarjes.