Kanë zgjedhur një makinë luksoze për të udhëtuar në Shqipëri, por brenda saj kishin një sasi lënde narkotike të dyshuar si kokainë. Dy shtetas nga maqedonia janë arrestuar nga policia e Elbasanit pasi u kapën me lëndë narkotike kokainë në automjetin e tyre luksos të tipit “Jaguar”. Sipas të dhënave të uniformave blu, në pranga përfunduan Vlase Tanaskoski, 35 vjeç si dhe Aleksandër Trajkoski, 38 vjeç, banues në Strugë Maqedoni.
Mësohet se arrestimi i tyre u bë në aksin rrugor Librazhd-Prrenjas, në afërsi të fshatit Hotolisht, gjatë kontrollit të ushtruar në mjetin  tip “Jaguar” me targa  SU0158AC, ku u gjetën dhe u sekuestruan në cilësinë e provës materiale 101.20 gramë, lëndë narkotike  e dyshuar me atë të llojit kokainë.
Ndëkohë policia ka sekuestruar edhe 6 telefona celularë, 10 karta sim si dhe një sasi dinarësh maqedonas si dhe mjetin tip “Jaguar”.