Maturantët këtë vit të ri akademik kanë të drejtë të zgjedhin deri 10 degë studimi. Ministria e Arsimit ka publikuar dhe kalendarin ë plotësimit të formularit të aplikimit online në portalin "Matura Shtetërore".
Sipas MAS aplikimet nisin më 1 gusht në Tiranë dhe mbyllen më 10 gusht në Kukës, Has, Tropojë, Dibër, Mat Bulqizë.
Për të hedhur të dhënat në sistem, maturantët duhet të paguajnë faturën prej 2 mijë lekë.
Sipas udhëzimit të MAS, fituesit do të shpallen nga universitetet, në bazë të kritereve që ata kanë përcaktuar dhe kuotave të pranim.
Ndërsa Agjencia Kombëtare e Provimeve brenda datës 16 gusht t’u dërgojë universiteteve listat e aplikuesve për çdo program studimi, dhe më pas ato të bëjnë shpalljen e studentëve fitues në datën 5 shtator 2016.
Pranimet në universitet edhe këtë vit do të jenë me dy raunde, duke u dhënë një shans të dytë edhe maturantëve të cilët do të kalojnë me sukses provimet në vjeshtë.