Në ceremoninë e hedhjes së shortit të fazës së grupeve të “Champions League”, institucioni më i madh i futbollit në Evropë, UEFA do të japë çmimin e “lojtarit më të mirë të vitit”. Ditën e sotme në sajtin e UEFA-s janë publikuar tre të përzgjedhurit për fitimin e këtij çmimi dhe ata janë, Cristiano Ronaldo, Lionel Messi dhe Gianluiggi Buffon. Kriteri i këtij çmimi që ndahet çdo vit në fillimin e edicionit të ri të Ligës së Kampionëve është ecuria në kompeticionin më të rëndësishëm evropian. Edicionin e shkuar trofeun e bëri të vetin ylli portugez Cristiano Ronaldo.