Irena Vreto, gazetarja dhe shkrimtarja e njohur e Korçës ka ndërruar jetë pas një beteje të gjatë 4 vjeçare me një sëmundje të rëndë. Pak minuta më parë ka ardhur lamtumira për Irenën nga Unioni i Gazetarëve, pasi krahas punës shumëvjeçare si gazetarem ajo ishte themeluese e degës në Korçë të organizatës. Në deklaratën e bërë publike në faqen zyrtare në Facebook, Unioni shkruan jo vetëm për kolegen, por edhe miken e paharruar, e cila “karakterizohej nga një solidaritet i përhërshem dhe ambicie e fortë intelektuale, duke i bashkangjitur profesionalizmit të vet edhe pasionet e një artisteje dhe intelektualeje këmbëngulëse dhe e drejtpërdrejtë”. Organizata thekson vlerën e saj si mbështetëse e fuqishme e të gjitha nismave për komunitetin e gazetarëve profesionistë në vend, duke e mbyllur me pohimin e dhimbshëm se ikja e saj nga jeta lë një vend të madh bosh në radhët e gazetarëve dhe raportuesit e medias shqiptare.