Alketa Vejsiu publikoi mbrëmjen e kaluar një foto ku bëri me dije se finalja e madhe e “Dance With Me” do të mbahet mbrëmjen e 25 dhjetorit, për shkak se në atë orar do transmetohej “Opinion” si pasojë e zhvillimeve të rëndësishme në vend. Por kur dihen fituesit, keni të njejtin interes për të parë spektaklin?
Është përfolur lart e poshtë nëpër rrjetet sociale dhe mediat online se fituesit e çmimit të madh do të jenë Trimi dhe Xhensila Pere, por një foto e publikuar së fundmi nga Linda Rei i ka vënë pikat mbi i.
Fotoja e realizuar nga publiku dhe e publikuar nga Linda e tregon qartë, pasi shihet Trimi duke mbajtur kupën në dorë dhe fustani i Alketës është i njejtë me atë që mban veshur në foton e publikuar në Instagram.

Kot nuk thonë që “ku ka zë, nuk është pa gjë”. Por si do t’i shkojë fundi këtij edicioni që u shoqërua me largime dhe skandale të shpeshta? Le të presim deri më 25 dhjetor.