Rudina Dembacaj ishte e ftuara e kësaj jave e gazetarit Andi Vrapi në emisionin “Lart e Poshtë” të Eraldo Rexhos.
Dembacaj ka treguar të rejat më të fundit që pritet të ketë sezoni i ri i “Mos i Fol Shoferit”, ku do të ketë emra të rinj që do t’i shtohen javë pas jave spektaklit të saj. Nga ana tjetër, Rudina ka folur “stand up-comedy-n” e saj që do të vijë në muajin nëntor në skenën e teatrit dhe pritet të jetë një sukses për aktoren dhe moderatoren. Gazetari ka zhvilluar një mini-lojë me aktoren e njohur, ku është vënë përballë dy emrave të ndryshëm dhe kjo e fundit, do të duhej të zgjidhte njërin prej emrave që i përshtatej pyetjes.

E pyetur se, nëse do të kishte një emision të quajtur “Dyshat”, me cilin prej ish-kolegëve të saj do ta bashkë-prezantonte, me Donaldin apo Romeon, Rudina u përgjigj: “Unë kam këmbëngulur që Romeo të jetë pjesë e Al-Pazar sepse Agron Llakaj ishte shumë skeptic dhe nuk e donte. Dhe sigurisht që me Romeon sepse Donaldin e njoh më pak! Por ata janë të dy çuna të jashtëzakonshëm!”
Më tej, e pyetur se pse aktorja nuk është ftuar për intervistë në emisionin veror të çunave, “Treshat”, Rudina u shpreh: “Po nuk e di, ndoshta kur t’i heqi Llakaj nga puna!”. 

 

 

 

View this post on Instagram

Aktorja e njohur dhe moderatorja #RudinaDembacaj ka folur edhe per marredhenien e saj me dy ish-koleget e Al-Paazar, Donald dhe Romeo Veshaj... dhe mesa duket, paska shume per te thene! ? | @rudinadembacaj | @thatsandivrapi

A post shared by Lart E Poshtë (@larteposhte) on Sep 27, 2019 at 6:19pm PDT