Moderatorja shqiptare Alketa Vejsiu bëri bujë me prezantimin e saj në Sanremo. Mirëpo, gjatë fjalës së saj, ajo ka bërë një gafë duke u shprehur se ishte e vetmja grua në histori që ka prezantuar “Festivalin e Këngës” në RTSH. Pas kësaj gafe, ka reaguar moderatorja Hygerta Sako.”Për vite me radhë burra, burra, burra e burra pafund. Por më pas, në mënyrë të pabesueshme ja besuan një gruaje. Kjo grua jam une”, u shpreh Alketa, duke harruar se dikur festivalin e kanë prezantuar dhe femra të tjera shumë të njohura për publikun shqiptar. 

“Gratë tjera që kanë prezantuar para saj paskan qenë të gjithë burra”, shkruan Hygerta, ndërsa shprehet se ajo vetë ka qenë burrë jo njëherë por katër herë, duke numëruar sa herë ka prezantuar këtë festival. “Mirë që paskemi qenë të gjithë burra ne që kemi prezantuar festivalin e RTSH-së, po unë e paskam ngrënë keq, se paskam qenë burrë jo një, por plot katër herë”, shkruan Hygerta.