Gjiko dhe Elita Rudi janë një ndër çiftet më të dashur për publikun shqiptar dhe që në momentin kur zyrtarizuan lidhjen e tyre, kanë qenë në qendër të mediave rozë. Së fundmi ata ishin të ftuar këtë të hënën në emisionin “Nin”, në Klan Kosova, ku u bënë pjesë e sfidës “Haje ose thuaje”.

Elita e vuri paksa në siklet Gjikon me një prej pyetjeve ku i kërkonte të thonte emrin e vajzës me të cilën ka patur puthjen e parë.

“Herën e kaluar kur të kanë pyetur cila ka qenë e dashura jote e parë, ke thënë Elita…”, iu drejtua moderatorja partnerit të saj, ndërsa ai ia ktheu me shaka ndoshta.

“Po, ti e di që kam qenë i virgjër”, u përgjigj Gjiko.

Elita: Nuk është e vërtetë aspak, por ka patur shumë komentues që janë habitur, prandaj unë po të pyes me kë e ke patur puthjen e parë?

Gjiko refuzoi të përgjigjej duke u shprehur se ka qenë shumë i vogël dhe nuk e mban mend.